Adalek an 8 a viz Even e c'hellot dizoleiñ war stal.bzh an embregerezhioù a souten pe a ra gant ar brezhoneg tro-dro deoc’h. M’ho peus un embregerezh e c’hellit enskrivañ ho stal atav!
Tu zo deoc'h ivez souten ar raktres war Kengo!
Digor eo Beaj Kafe war ar bed, ha war ar brezhoneg !
Degemeret e vezer e brezhoneg, e kereerezh koc'hu Sant-Loeiz !
Bravigoù evit ar re vras hag ar re vunut a vez kavet e ti Lili Dour !
Stal.bzh a renablo an dud a-vicher a ra gant ar brezhoneg.
Kavout embregerezhioù hag a souten pe a ra gant ar brezhoneg a c’hello an dud kar-o-yezh ober gant al lec’hienn internet Stal.bzh, ha gant an arload. War ar memes-tro e vo roet talvoudegezh d'an embregerezhioù dre o liamm gant ar yezh.
Enskrivañ ma embregerezh
Talvoudekaat a ra Stal.bzh an dud a-vicher dre ar brezhoneg. Gant al lec’hienn Stal.bzh e roan tro d’ar vrezhonegerien, d’ar brezhonegerezed ha d’an dud tomm ouzh ar yezh d’ober anaoudegezh gant an aozadurioù (embregerezhioù, kevredigezhioù, strollegezhioù) a ra traoù evit ar brezhoneg.
Setu 3 abeg evit lakaat anv ma embregerezh war stal.bzh :
1) Liammet eo ar brezhoneg gant ar Vro. Ur merker tiriadel eo, un doare kreñv da vezañ disheñvel. Degas a ra un dalvoudegezh ouzhpenn d’am embregerezh. O lakaat war wel liammoù ma embregerezh gant ar brezhoneg e roan nerzh da skeudenn ma stal.
2) Tomm eo kalon 65% eus ar bretonezed hag eus ar vretoned ouzh ar brezhoneg (Enklask TMO / Rannvro Breizh, 2018). En ur lakaat ma anv war Stal.bzh e roan tro d’ur bern tud da ziskouez ha da gehentiñ war ma oberezhioù evit ar yezh.
3) Evit bezañ gwelet war internet ha bezañ douarlerc’hiet gant ar vevezerien.
Ha digoust eo an enskrivadur war Stal.bzh ouzhpenn-se !
“Anat eo bet din lakaat brezhoneg em stal. Savet on bet e brezhoneg. Anvioù va bier zo e brezhoneg. Dibabet 'meus gerioù hag a vez komprenet gant tud ar vro, memes ma n'int ket brezhonegerien: Riboull, Ribin... An anvioù-se a zo un digarez alies, da gomz gant va c'hlianted diwar-benn Breizh.”
Enlinenn d'an 8 a viz Even
Enlinenn d'an 8 a viz Even
Enlinenn d'an 8 a viz Even
Enlinenn d'an 8 a viz Even
Enlinenn d'an 8 a viz Even
Enlinenn d'an 8 a viz Even
Enlinenn d'an 8 a viz Even
Enlinenn d'an 8 a viz Even
Enlinenn d'an 8 a viz Even
UR BENVEG EVIT AR BREZHONEG
Ur gevredigezh hervez lezenn 1901 eo Mignoned ar brezhoneg. E 2013 eo bet krouet. Bezañ ur gwir venveg evit ar gevredigezh keodedel evit brudañ ar brezhoneg er vuhez sokial hag armerzhel eo he fal. Kinnig a reomp pourchasoù kehentiñ d'an embregerezhioù evit ma vo aes dezho d'ober gant ar brezhoneg.
Kinnig a reomp ur boutik enlinenn ivez a-benn kinnig deoc’h produioù e brezhoneg (dilhad, pegsunioù, bitrakoù, badjoù, c’hoarioù...). Digor eo ar boutik enlinenn da aozadurioù all hag o deus c’hoant kinnig produioù a bep seurt e brezhoneg.
Aozet e vez ar festival Gouel Broadel ar Brezhoneg bep eil bloaz gant ar gevredigezh. Gouel an holl vrezhonegerezed, brezhonegerien hag ar re kar d’hor yezh eo. Kinniget e vez sonadegoù sonerezh a-vremañ, festoù-noz ha festoù-deiz, c’hoariva, sinema, atalieroù-perzhiañ, kendivizoù, c’hoarioù evit ar re vihan hag ar re vras, mell-droad, un egorenn evit an niverel hag an embregerezhioù... D’ar 7, 8 ha 9 a viz Even 2019 e vo ar festival a zeu e Langoned.
