Krouet e 1986, Gwarez Filmoù a vir hag a skign glad klewelet pemp departamant Breizh : Aodoù-an-Arvor, Penn-ar-Bed, Il-ha-Gwilen, Liger-Atlantel ha Mor-Bihan. Ouzhpenn 27 000 film amatour pe a-vicher a vez miret gantañ, filmet e Breizh pe gant Breizhiz. Filmoù faltazi, teulfilmoù, filmoù familh, kelaouadennoù diwar-benn darvoudoù lec'hel : dalc'had Gwarez Filmoù a zo un testeni dibar war ar gevredigezh, an istor, ar c'hemmadurioù sokiologel, an obererezhioù ekonomikel hag industriel, ar sport, an touristerezh, an hengounioù, an artizanerezh ; ur gwir vemor filmet eus Breizh hag eus ar sevenadurioù ha broioù bet gweladennet gant Breizhiz abaoe an XXvet kantved eo. Lakaat a ra Gwarez Filmoù an dastumad-se e-kerz an holl war e lec'hienn internet (ouzhpenn 6500 film enlinenn) ha dre skignadennoù, sine-sonadegoù ha kenlabourioù liesseurt gant an obererien sevenadurel breizhat, mirdioù, mediaouegoù, kevredigezhioù...
Eus al lun d'ar gwener etre 9e ha 12e30 hag etre 2e ha 5e30 goude merenn.
Un implijiadez brezhonegerez ha kentelioù brezhoneg roet d'an implijidi all war o amzer labour (un eurvezh bep div sizhunvezh abaoe miz C'hwevrer 2019).
Embannadennoù divyezhek ingal war ar rouedadoù sokial
