Dilested [dilèstèd] {anv benel} : merk engouestlet bet krouet evit plijout d’ar re a zo tomm o c’halon ouzh ar mor. En hor stal-labour war aodoù su Breizh e savomp produioù padus hag aes o implij. An awen a zeu deomp diwar an endro-se : hor giziaouegoù zo eeun, simpl ha dibar, evel an aod : dilested. Da bep pazenn eus ar seveniñ e klaskomp doujañ d’an endro. Atav e klaskomp doareoù nevez da verraat an hedoù, kuit da foeltrañ kalz a energiezh fosil, reiñ holl he flas d’an ekonomiezh lec’hel ha krouiñ en ur zoujañ da Mab-den ha d’an natur. Kendrec’het-bras omp e c’heller hag eo ret sevel un embregerezh a-zoare. Roet e vez ul lodenn eus hor gounidoù d’ur gevredigezh lec’hel a ra war-dro gwareziñ hon aodoù. N’eus ket anv eus treuzemglevioù ganeomp pe e vefe evit dibab hor pourchaserien, hor c’hannadourien, hon danvezioù krai pe hon doareoù kehentiñ. Biken ne ziskouezimp deoc’h luc’hskeudennoù tennet en tu all d’ar bed evit fougasiñ hon engouestl e-keñver an endro. Klask a reomp kinnig deoc’h ar muiañ ma c’hellomp produioù gwiriekaet bio pe graet diwar danvezioù adaozet. Diwar arouezioù-barn strizh e vez choazet pep keveler ha ret e vez dezhañ bezañ a-unan ganeomp evit tizhout ar memes pal. Gallout a reoc’h gwiskañ hon dilhad evit ho ergerzhadegoù pe ho avanturioù. Arnodet e vezont bemdez ganeomp betek ar penn pellañ gant ar pal gwellaat anezho dizehan hag evit ma vefent ar solutañ hag an aesañ ma c’hellont. Pe e vefec’h ran gant al lec’hioù bras divent hag an avel vor, pe e karfec’h beajiñ hoc’h-unan e-bourzh ur vag dre-lien war ar mor bras pe chom da evañ ur banne bier gant ho mignoned nemetken, sikourit ac’hanomp da lakaat an traoù da cheñch, deuit davedomp.
